ماى شوبكى
مرحبا بكم فى ماى شوبكى ولعلنا نحقق اهدافكم وفقكم الله مع تحيات ادارة ماى شوبكى

ماى شوبكى

 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول
مرحبا بكم فى منتديات ماى شوبكى ونتمنى لكم قضاء وقت ممتع معنا
ترحب ادارة ماى شوبكى بالاخوه والاخوات الزوار ونرجو منكم التسجيل لرفع كفاءة المنتدى بأتصالكم الدائم

شاطر | 
 

 رباعيات صلاح جاهين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
admin
admin
avatar

عدد المساهمات : 76
تاريخ التسجيل : 05/04/2011

مُساهمةموضوع: رباعيات صلاح جاهين   الإثنين أبريل 18, 2011 7:30 pm

علي بعد مليون ميل من أرضنا
________________
من الفراغ الكوني بصيت أنا
_________________
لا شفت فرق بين جبال و بحور
__________________
و لا شفت فرق ما بين عذاب أو هنا
____________________
عجبي !!!!!!!








يا خالق الكون بالحساب و الجبر
___________________
و خالقني ماشي بلختيار و الجبر
___________________
كل اللي حيلتي زمزمية أمـــــــل
___________________
وازاي تكفيني لباب القــــــــــــبر؟
___________________
عجبي !!!!!!!










وقفت بين شطين علي قنطــــــــــــــــــرة
_______________________
الكدب فين و الصدق فيـــــــــــن يا تري
________________________
محتار ح اموت .. الحوت خرج لي وقالي
_________________________
هو الكلام يتقــــــــــــاس بالمســـــــــــطرة
________________________
عجبي !!!!!!!!










قاعدة قناني الخمر ساكتة و ساهية
_____________________
مع ابن آدم في الشبه متناهيـــــــــــة
_____________________
مفيش كده روقان في لحظة تشوفهم
_____________________
و بعدها بلحظه يودوا في داهيــــــه
____________________
عجبي !!!!!!!!!!








حتة محارة وجدتها في يوم لقيـة
___________________
قالت لي شوف كيف الطبيعة شقية
____________________
نظرت للكهف اللي فيها و لقيــــت
_____________________
إن الطبيعة كمان لا أخلاقيــــــــــة
____________________
عجبي !!!!!!!!!!!!









نقطة مرارة كمان علي مشروبـــــــــــي
________________________
دوبها يا ساقي حسب مطلوبـــــــــــــــي
_______________________
طعب الحياة .. مش برضه فيها و فيها ؟
_______________________
ليالي وردي و نهارات خروبــــــــــــي ؟
________________________
عجبي!!!!!!!!!!









الفيلسوف قاعد يفكر سيبوه
________________
لا تعملوه سلطان و لا تصلبوه
__________________
ما تعرفوش إن الفلاسفه يا هوه
_________________
اللي يقولوه بيرجعوا يكدبوه
________________
عجبي !!!!!!!










بلياتشو قال إيه بس فايدة فنونــــي ؟
_____________________
و تلات وقق مساحيق بيلونونـــــــي
______________________
و الطبل و المزامير و كتر الجعـــــــير
______________________
إذا كان جنون زبوني زاد عن جنوني
______________________
عجبي !!!!!!!!!!!













أنا قلبي كورة و الفراودة أكــــــــــم
_____________________
ياما اتنطح و انشاط و ياما اتعكـــــم
_____________________
و اقول له كله ح ينتهي في المعـــاد
_____________________
يقول بساعتك ؟ و الا بساعة الحكم ؟
_____________________
عجبي !!!!!!!!!!!!!!!!











قطي العزيز راقد علي الكنبــــــات
____________________
في نوم لذيذ .. و بيلحس الشنبات
___________________
و انا كل عين فنجان مدلدق قلــق
___________________
صدق اللي قال إن الحياة منابات
___________________
عجبي !!!!!!!!!!!!!










الدنيا صندوق دنيا .. دور بعــــد دور
_______________________
الدكة هي .. و هي كل الديكـــــــــور
______________________
يمشي اللي شاف ويسيب لغيره مكان
_____________________
كان عربجي أو كان امبراطــــــــور
_____________________
عجبي !!!!!!!!!!!!!!











سلام سلام سلام سلام ... سلام
_________________
كلام كلام كلام كلام ... كلام
_________________
هز الورق يا صاحبي كدهــــوه
___________________
يطلع كلام سلام .. و سلام كلام
__________________
عجبي !!!!!!!!!!











سرداب في مستشفي الولاده طويل
_____________________
صرخات عذاب ورا كل باب وعويل
_____________________
.. وفي الطــــــريق متزوقين البنات
_____________________
متزوقـــــــــــــين للحب و المواويل
____________________
عجبي !!!!!!!!











عيد و العيال اتنططوا ع القبـــــــور
_____________________
لعبوا استغمايه .. و لعبوا بابــــــور
____________________
و باللونات و نايلونات شفتشـــــــي
____________________
و الحزن ح يروح فين جنب السرور
____________________
عجبي !!!!!!!!!!!!!!









يا ملونين البيض في شم النسيـــــم
_____________________
لون الحنين و الشوق و خمر النديم
____________________
ما تعرفوش سايق عليكو النبــــــي
______________________
تلونوا الأيام بلون النعيــــــــــــــم ؟
_____________________
عجبي!!!!!!!!!!!!!!









الضحك قال يا سم ع التكشيـــــــر
____________________
امشير و طوبه وانا ربيعي بشيـر
____________________
مطرح ما باظهر بانتصر ع العدم
___________________
انشالله أكون رسماية بالطباشيــر
___________________
عجبي !!!!!!!!!!!!!!!!








قالوا السياسة مهلكة بشكل عـــــــــــام
______________________
و بحورها يا بني خشنة مش ريش نعام
______________________
غوص فيها تلقي الغرقانين كلهــــــــــم
______________________
شايلين غنايم .. و الخفيف اللي عـــــام
______________________
عجبي !!!!!!!!!!










ياللي نصحت الناس بشــــــــــــــرب النبيت
__________________________
مع بنت حلوه .. وعود , وضحك , وحديت
_________________________
مش كنت تنصحهم منين يكســــــــــــــــبوا
________________________
تمن ده كله ؟ ... و الا يمكن نســـــــــــيت
_________________________
عجبي !!!!!!!!!!!



الرجوع الى أعلى الصفحة اذهب الى الأسفل
http://myshopaky.forumegypt.net
Admin
admin
admin
avatar

عدد المساهمات : 76
تاريخ التسجيل : 05/04/2011

مُساهمةموضوع: رد: رباعيات صلاح جاهين   الإثنين أبريل 18, 2011 7:35 pm

ما حد في الدنيا واخد جزاتــــــــــــــــــه
_________________________
و لا حــــــــــــــــد بيفكر في غير لذاذاته
________________________
ما تعرفيش يا حبيبتي .. أنا و انتي مين؟
________________________
إنتي عروس النيل ... و أنا النيل بذاته
_________________________
عجبي !!!!!!!!!!!!!







رقاصه خرسا و رقصه من غير نغــم
______________________
دنيا . . يا مين يصالحها قبل النـــــدم
______________________
ساعتين تهز بوجههـــــــــــــــا يعنـي
______________________
يترجرجوا نهديها يعني نعـــــــــــــــم
_______________________
عجبي !!!!!!!!!!!!









أهوي الهوي و همس الهوي في العيون
________________________
وبسمة المغرم ودمعه الحنـــــــــــــــون
_________________________
و زلزلات الحب نهد الصبـــــــــــــــــــــا
________________________
أكون انا المحبوب أو لا أكــــــــــــــــون
_______________________
عجبي !!!!!!!!!!!!!!!





وسط الحطام اتفرجوا يا أنـــــــــام
____________________
تمثال ملك . و مبوله م الرخــــــام
____________________
لتنين نحتهم نفس أسطي الحجــــر
___________________
و كانوا ذات يوم كتلتين لسه خــام
___________________
عجبي !!!!!!!!!








عالجسر فت الصبح تحت الضباب
____________________
بين اللي لسه بينغرس و اللي طاب
____________________
ما اهتز قلبي لنبت طالع جديـــــــد
____________________
قد اللي ماشي .. وتحت باطه كتاب
_____________________
عجبي !!!!!!![
الرجوع الى أعلى الصفحة اذهب الى الأسفل
http://myshopaky.forumegypt.net
Admin
admin
admin
avatar

عدد المساهمات : 76
تاريخ التسجيل : 05/04/2011

مُساهمةموضوع: رد: رباعيات صلاح جاهين   الإثنين أبريل 18, 2011 7:37 pm

إخطفني ياللي تحبني ع الحصان
____________________
الدنيا قالت يوم في ماضي الزمان
____________________
إخطفني ياللي تحبني ع الـــــفرس
_____________________
الدنيا قالت .. قام خطفها الشيطان
_____________________
عجبي !!!!!!!!!!!!!!!






جالك أوان ووقفت موقف وجـــود
____________________
يا تجود بده يا قلبي يا بده تجــــود
____________________
ما حد يقدر يبقي علي كل شـــــــئ
_____________________
مع إن – عجبي – كل شئ موجود
___________________
عجبي !!!!!!!!!!!







من بين شقوق الشيش و شقشقت لك
_____________________
مع شهقة العصافير و زقزقـــــــت لك
_____________________
نهار جديد انا . . قوم نشوف نعــمليه
______________________
انا قلت يا ح تقتلني .. يا ح اقــــــــتلك
_____________________
عجبي !!!!!!!!!!!








أنا كنت شئ و صبحت شئ ثم شــئ
_____________________
شوف ربنا .. قادرعلي كل شـــــــئ
_____________________
هز الشجر شواشيه ووشوشني قال :
____________________
لابد ما يموت شئ عشان يحيا شئ
___________________
عجبي !!!!!!!!!!!





كيف شفت قلبي و النبي يا طبيــــــــــــب

همد و مات و الا سامع له دبيـــــــــــــب

قاللي لقيته مختنق بالدمـــــــــــــــــــــوع

و ما لوش دوا غير لمسه من إيد حبيب
______________________
عجبي !!!!!!!!!!!!!!!







يا مشرط الجراح أمانة علـــــــــــيك
______________________
و انت ف حشايا تبص من حواليــك
____________________
فيه نقطة سوده في قلبي بدأت تبان
____________________
شيلها كمان .. و الفضل يرجع إليك
_____________________
عجبي !!!!!!!!!!!






جالك اوان وعرفت مشي الجنايــــــــز
______________________
كيف شفتها يا عبد رب اللذايــــــــــــذ
______________________
قال : شفت شيل بالحيل فقير أو اميـــر
______________________
كما شالوا في الخمامير فواضي القزايز
______________________
عجبي !!!!!!!!!!





الرجوع الى أعلى الصفحة اذهب الى الأسفل
http://myshopaky.forumegypt.net
Admin
admin
admin
avatar

عدد المساهمات : 76
تاريخ التسجيل : 05/04/2011

مُساهمةموضوع: رد: رباعيات صلاح جاهين   الإثنين أبريل 18, 2011 7:49 pm


الدنيا أوده كـــــــــــبيره للانتظار
__________________
فيها ابن أدم زيه زي الحـــــــمار
__________________
الهم واحد .. و الملل مشــــــترك
__________________
و مفيش حمار بيحاول الانتـــــحار
__________________
عجبى!!!!!!!!!






سرداب في مستشفي الولاده طويل
_____________________
صرخات عذاب ورا كل باب وعويل
_____________________
.. وفي الطــــــريق متزوقين البنات
_____________________
متزوقـــــــــــــين للحب و المواويل
____________________
عجبي !!!!!!!!!!






وقفت بين شطين علي قنطــــــــــــــــــرة
_______________________
الكدب فين و الصدق فيـــــــــــن يا تري
________________________
محتار ح اموت .. الحوت خرج لي وقالي
________________________
هو الكلام يتقــــــــــــاس بالمســـــــــــطرة
_______________________
عجبى!!!!!!!!!!!!!!!!!!!!









السم لو كان في الدوا منين يضر ؟
____________________
و الموت لو عدونا .. منين يسر؟
___________________
حط القلم في الحبر و اكتب كمان
____________________
.. و العبد للشهوات .. منين هو حر؟
___________________
عجبي !!!!!!!!!!!!








غسل المسيح قدمك يا حافي القـدم
___________________

طوبي لمن كانوا عشانك خــــــــدم
_____________________

صنعت لك نعليك أنا يا أخــــــــــــي
___________________

مستني إيه .. ما تقوم تدوس العدم
__________________

عجبي !!!!!!!!!!!!!!!!








ياللي في حماه الشمس تلقي المــــلاذ
____________________

و ألف بكره و بكره .. في ضلوعه لاذ
_____________________

مين أنت ؟ مارد ؟ رب ؟ قال لأ ده بس
_____________________

انا اللي باروي القمح و اسقي الفــولاذ
_____________________
عجبي !!!!!!!!!!







لا تجبر الانسان و لا تخـــــــــيره
___________________
يكفيه ما فيه من عقل بيحيــــــره
___________________
اللي النهارده بيطلبه و يشتهــــيه
___________________
هو اللي بكره ح يشتهي يغيـــــره
__________________
عجبي !!!!!!!!!!!!









حقرا و فوق كوكب حقير محتقـــــــر
_____________________
في الكون تكون دنياكو إيه يا بــــــقر
_____________________
رملايه من صحرا ؟ لكين إيش تقول
_____________________
و الكون بحاله جوه عقل البشــــــر
_____________________
عجبي !!!!!!!








الرجوع الى أعلى الصفحة اذهب الى الأسفل
http://myshopaky.forumegypt.net
Admin
admin
admin
avatar

عدد المساهمات : 76
تاريخ التسجيل : 05/04/2011

مُساهمةموضوع: رد: رباعيات صلاح جاهين   الإثنين أبريل 18, 2011 7:59 pm

ياللي بتبحث عن إله تعــــــــــــبده
____________________
بحث الغريق عن أي شئ ينجـــده
____________________
الله جميل و عليم و رحمن رحــيم
____________________
أجمل صفاته .. وانت راح توجده
_________________
عجبي !!!!!!!!!!!!!






يا عندليب ما تخافش من غنوتك
___________________
قول شكوتك و احكي علي بلوتك
___________________
الغنوه مش ح تموتك إنمــــــــــا
___________________
كتم الغنا هو اللي ح يموتــــــــك
__________________
عجبي !!!!!!!!!!!








أحب أعيش ولو في الغابات
___________________
أصحي كما ولدتني أمي و ابات
___________________
طائر .. حوان.. حشرة .. بشر ..بس أعيش
___________________
محلا الحياة.. حتي في هيئة نبات
_______________
عجبي !!!!!!!!!!!!!!!








سهير ليالي و ياما لفيت و طفت
_____________________
و ف ليه راجع في الضلام قمت شفت
______________________
الخوف ... كأنه كلب سد الطريق
_____________________
و كنت عاوز أقتله .. بس خفت
____________________
عجبي !!!!!!!!!!!!!!





ليه يا حبيبتي ما بيننا دايما سفر
____________________
ده البعد ذنب كبير لا يغتفر
__________________
ليه يا حبيبتي ما بيننا دايما بحور
___________________
أعدي بحر ألاقي غيره اتحفر
___________________
عجبي !!!!!!!!!!!!!





كان فيه زمان سحليه طول فرسخين
__________________
كهفين عيونها و خشمها بربخين
___________________
ماتت لكين الرعب لم عمره مات
___________________
مع إنه فات بدل التاريخ تاريخين
___________________
عجبي !!!!!!!!!!!!!!!!





بره القزاز كان غيم و أمطار و بــــــــرق
________________________

ما يهمنيش – أنا قلت – و لا عندي فرق
________________________

غيرت رأيي بعد ساعة زمـــــــــــــــــان

________________________
و كنت في الشارع .. و في الجزمة خرق
_______________________
عجبي !!!!!!!!!!!!!!!!










أنا اللي بالأمر المحال اغتــــــــــــوي
_____________________
شفت القمر نطيت لفوق في الهـــــوا
_____________________
طلته ما طلتوش إيه انا يهمنـــــــــي
_____________________
و ليه .. ما دام بالنشوة قلبي ارتوي
_____________________
عجبي !!!!!!!!!!!!!!!







أنا قلت كلمة و كان لها معنييـــــــــن
____________________
كما بطن واحده و توأمين زي وشين
_____________________
لو دنيا شر.. التوأم الخير يمـــــــوت
_____________________
لو دنيا خير .. الشر ح يعيش مــنين
____________________
عجبي !!!!!!!!!!!!!







منين أجيبها كلمه متألمـــــــــــــــــة
_____________________
لعيبه فايره حايره و مصممــــــــــه
_____________________
منين اجيبها كلمه تكون بنـــت ارض
___________________
تشفي اللي ما شافهوش كلام السمـا
___________________
عجبي !!!!!!!!!!!!!!!






الرجوع الى أعلى الصفحة اذهب الى الأسفل
http://myshopaky.forumegypt.net
 
رباعيات صلاح جاهين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ماى شوبكى :: المنتديات الادبيه :: منتــدي الشعــر والخـواطــر المنقولــه-
انتقل الى: