ماى شوبكى
مرحبا بكم فى ماى شوبكى ولعلنا نحقق اهدافكم وفقكم الله مع تحيات ادارة ماى شوبكى

ماى شوبكى

 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول
مرحبا بكم فى منتديات ماى شوبكى ونتمنى لكم قضاء وقت ممتع معنا
ترحب ادارة ماى شوبكى بالاخوه والاخوات الزوار ونرجو منكم التسجيل لرفع كفاءة المنتدى بأتصالكم الدائم

شاطر | 
 

 رباعيات صلاح جاهين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
admin
admin
avatar

عدد المساهمات : 76
تاريخ التسجيل : 05/04/2011

مُساهمةموضوع: رباعيات صلاح جاهين   الإثنين أبريل 18, 2011 8:24 pm

منين أجيبها كلمه متألمـــــــــــــــــة
______________________
لعيبه فايره حايره و مصممــــــــــه
_____________________
منين اجيبها كلمه تكون بنـــت ارض
____________________
تشفي اللي ما شافهوش كلام السمـا
_____________________
عجبي !!!!!!!!!!!!!!!!!!!






غمست سنك في السواد يا قلـــــــــــــــم
_______________________
عشان ما تكتب شعر يقطر ألــــــــــــــــم
________________________
مالك جرالك إيه يا مجنون ... و ليــــــــه
________________________
رسمت ورده وبيت و قلب و علـــــــــــم
_______________________
عجبي !!!!!!!!!!!!!!!











يا ميت ندامه ع القلوب الخـــــــــــلا
______________________
لا محبة فيها و لا كراهـــــــــــه ولا
_____________________
حتي يا قلبي الحزن ما عادش فيـــــك
_____________________
معلهش .. لك يوم برضه راح تتملا
_____________________
عجبي !!!!!!!!!!!!!!!!!!







فتحت شباكي لشمس الصبـــــــــــــــــاح
________________________
ما دخلش منه غيــــــــــر عويل الريـــاح
_______________________
و فتحت قلبي عشان ابوح بالألـــــــــــــم
_______________________
ما خرجش منه غير محبه و سمــــــــاح
_______________________
عجبي !!!!!!!!!!!!!!!!








أنا إله الوجد رب الهيــــــــــــــــام
____________________
أضرب بسهم الوهم وهم الغـــــرام
____________________
و هم الغرام من كتر ما هو لذيـــذ
____________________
رشقت انا ف صدري جميع السهام
____________________
عجبي !!!!!!!!!!!!!









حدوته عن جعران و عن خنفســــــــــه
--------------------------
اتقابلوا حوا بعض ساعة مســـــــــــــــا
_______________________
و لا قال لهم حد اختشوا عيب حـــــرام
________________________
و لا حد قال دي علاقة متدنســــــــــــــة
________________________
عجبي !!!!!!!!!!!!!!!!!!!!








آه لو انا و محبوب جزنا الفضـــــا
____________________
في سفينة وحدينا .. واشيا رضـــا
___________________
ساعة صفا تعجبنا نرجع لهــــــــــا
____________________
و الهم قبل ما ييجي .. يبقي مضـى
____________________
عجبي !!!!!!!!!!!!!!











إيديا في جيوبي وقلبي طــــــــرب
___________________
سارح في غربة بس مش مغترب
___________________
و حدي لكين ونسان و ماشي كده
___________________
وبابتعد ما اعرف .. أو باقـــــترب
___________________
عجبي !!!!!!!!!!!!!!!









زحام و أبواق سيارات مزعجـــــة
____________________
للي يطول له رصيف.. يبقي نجـــا
____________________
لو كنت جنبي يا حبيبي أنــــــــــــا
___________________
مش كنت أشوف إن الحياة مبهجة
__________________
عجبي!!!!!!!!!!!!!!








إنشد يا قلبي غنوتك للجمــــــــــــــــــال
_______________________
و ارقص في صدري من اليمين للشمال
______________________
ما هوش بعيد تفضل لبكره سعيــــــــــد
_______________________
ده كل يوم فيه الف الف احتمـــــــــــــال
______________________
عجبي !!!!!!!!!!!








مزيكة هادية الكون فيها انغـــــمر
___________________

وصيف و ليل و عقد فل و سمر
___________________
يا هلتري الناس كلهم مبسوطين
__________________
و يا هلتري شايفين جمال القمر ؟
___________________
عجبي!!!!!!!!!!!!!!!











كرباج سعاده وقلبي منه اجلد
_________________
رمح كأنه حصان و لف البلد
_________________
و رجع لي نص الليل و سألني .. ليه
_________________
خجلان تقول انك سعيد يا ولد
_________________
عجبي !!!!!!!!!!














النهد زي الفهد نط اندلع
______________
قلبي انهبش بين الضلوع و انخلع
___________________
ياللي نهيت البنت عن فعلها
________________
قول للطبيعة كمان تبطل دلع
_________________
عجبي !!!!!!!!!!













صوتك يا بنت الإيه كأنه بدن
_________________
يرقص يزيح الهم يمحي الشجن
__________________
يا حلوتي و بدنك كأنه كلام
_________________
كلام فلاسفه سكروا نسيوا الزمن
___________________
عجبي !!!!!!!!!!!!!!!










كان فيه قمر كأنه فرخ الحمام
________________
علي صغره دق شعاع شق الغمام
___________________
أنا كنت حاضر قلت له ينصرك
__________________
إشحال لما حتبقي بدر التمام
_______________
عجبي !!!!!!!!!!










الدنيا من غير الربيع مــــــــيته
__________________
ورقة شجر ضعفـــــــانه و مـــفـــــتــته
_______________________
- لا يا جدع غلطان تأمل وشوف
___________________
زهر الشتا طالع فــــــــي عز الشـــــتا
______________________
عجبي !!!!!!!!!!!!!!







.. دي مزكرات و كتبتها من ســـــــــنين
________________________
في نوتة زرقا لون بحور الحنيــــــــــــن
________________________
عترت فيها .. رميتها في المهمـــــــلات
_______________________
وقلت صحيح أما صحيح كلام مخبولين
______________________
عجبي !!!!!!!!!!!!!!!!











تسلم يا غصن الخوخ يا عود الحطـــــــــب
_________________________
بييجي الربيع .. تطلـــــــــــع زهورك عجب
_________________________
و انا ليه بيمضـــــــــــي ربيع وييجي ربيع
_________________________
و لسه برضك قلــــــــــــــــــبي حتة خشب
_________________________
عجبي !!!!!!!!!!!!!!!









قلبي عليل يا ناس و في الكاس دواه
_____________________
مديت له إيدي شربت م اللي حــــواه
_____________________
جنبي الشمال خف .. اليمين اتــــوجع
______________________
و إيه يداوي الكبد م اللي كـــــــــــواه
_____________________
عجبي!!!!!!!!!!!!!!!!!










دخل الشتا وقفل البيبان ع البـــيوت
____________________
وجعل شعاع الشمس خيط عنكبوت
____________________
وحاجات كتير بتموت في ليل الشــتا
____________________
لكن حاجات أكتر بترفض تمــــــوت
_____________________
عجبي !!!!!!!!!!!!!!!!!







ياللي انت بيتك قش مفروش بريش
____________________
تقوي عليه الريح .. يصبح ما فيش
____________________
عجبي عليك حواليك مخالب كـــــبار
_____________________
و ما لكش غير منقار و قادر تعيش
____________________
عجبي !!!!!!!!!!!!!!








سمعت نقطة ميه جوه المحيـــــــط
____________________
بتقول لنقطه ما تنزليش في الغويط
____________________
أخاف عليكي م الغرق .. قلـــــت أنا
_____________________
ده اللي يخاف م الوعد يبقي عبيط
___________________
عجبي !!!!!!!!!!!!!









فارس وحيد جوه الدروع الحديد
__________________
رفرف عليه عصفور وقال له نشيد
__________________
منين .. منين.. و لفين لفين يا جدع
__________________
قال من بعيد و لسه رايح بعيد
_________________
عجبي !!!!!!!!!!






بحر الحياه مليان بغرقي الحياه
__________________
صرخت خش الموج في حلقي ملاه
____________________
قارب نجاه .. صرخت قالوا مفيش
___________________
غير بس هو الحب قارب نجاه
_________________
عجبي !!!!!!!!!!!







مرحب ربيع مرحب ربيع مرحبــــــــــه
______________________
يا طفل يا للي ف دمي ناغا وحبــــــــا
_______________________
علشان عيونك يا صغنن هويــــــــــــت
_______________________
حتي ديدان الأرض و الأغربــــــــــــــة
________________________
عجبي !!!!!!!!!!!!!!!





الرجوع الى أعلى الصفحة اذهب الى الأسفل
http://myshopaky.forumegypt.net
Admin
admin
admin
avatar

عدد المساهمات : 76
تاريخ التسجيل : 05/04/2011

مُساهمةموضوع: رد: رباعيات صلاح جاهين   الإثنين أبريل 18, 2011 8:33 pm

لا تجبر الانسان و لا تخـــــــــيره
___________________
يكفيه ما فيه من عقل بيحيــــــره
__________________
اللي النهارده بيطلبه و يشتهــــيه
__________________
هو اللي بكره ح يشتهي يغيـــــره
_________________
عجبي !!!!!!!!!!!!!!!!






ياعندليب ما تخافش من غنوتك
__________________
قول شكوتك و احكي علي بلوتك
__________________
الغنوه مش ح تموتك إنمــــــــــا
___________________
كتم الغنا هو اللي ح يموتــــــــك
_________________
عجبي !!!!!!!!!!!!!!!








حقرا و فوق كوكب حقير محتقـــــــر
_____________________
في الكون تكون دنياكو إيه يا بــــــقر
_____________________
رملايه من صحرا ؟ لكين إيش تقول
____________________
و الكون بحاله جوه عقل البشــــــر
____________________
عجبي !!!!!!!!!!!!!!






عيني رأت مولود علي كتف أمـــــــــــه
_______________________
يصرخ تهنن فيه يصرخ تضــــــــــــمه
______________________
يصرخ تقول يا بني ما تنطق كـــــــلام
_____________________
ده اللي ما يتكلمش يكتر همـــــــــــــه
______________________
عجبي !!!!!!!!!!!!!!






ياللي بتبحث عن إله تعــــــــــــبده
___________________
بحث الغريق عن أي شئ ينجـــده
___________________
الله جميل و عليم و رحمن رحــيم
____________________
أجمل صفاته .. وانت راح توجده
__________________
عجبي !!!!!!!!!!!!









بره القزاز كان غيم و أمطار و بــــــــرق
________________________
ما يهمنيش – أنا قلت – و لا عندي فرق
_______________________
غيرت رأيي بعد ساعة زمـــــــــــــــــان
______________________
و كنت في الشارع .. و في الجزمة خرق
_______________________
عجبي !!!!!!!!!!!!!!!





أنا قلت كلمة و كان لها معنييـــــــــن
_____________________
كما بطن واحده و توأمين زي وشين
______________________
لو دنيا شر.. التوأم الخير يمـــــــوت
_____________________
لو دنيا خير .. الشر ح يعيش مــنين
___________________
عجبي !!!!!!!!!!!!!!!!







أنا اللي بالأمر المحال اغتــــــــــــوي
_____________________
شفت القمر نطيت لفوق في الهـــــوا
_____________________
طلته ما طلتوش إيه انا يهمنـــــــــي
____________________
و ليه .. ما دام بالنشوة قلبي ارتوي
___________________
عجبي !!!!!!!!!!!




مع تحيات ماى شوبكى
_____________
الرجوع الى أعلى الصفحة اذهب الى الأسفل
http://myshopaky.forumegypt.net
Admin
admin
admin
avatar

عدد المساهمات : 76
تاريخ التسجيل : 05/04/2011

مُساهمةموضوع: رد: رباعيات صلاح جاهين   الإثنين أبريل 18, 2011 8:51 pm

- يا نجم .. نورك ليه كده بيرتجف ؟
____________________
هو انت قنديل زيت ؟ أو تختلف
____________________
- أنا نجم عالي .. بس عالي قوي
_________________
و كل ما انظر تحت اخاف انحدف
___________________
عجبي !!!!!!!!!!!!






علي بعد مليون ميل من أرضنا
___________________
من الفراغ الكوني بصيت أنا
________________
لا شفت فرق بين جبال و بحور
____________________
و لا شفت فرق ما بين عذاب أو هنا
____________________
عجبي !!!!!!!!!!!!






نظرت فوق للنجوم و انا ساير
___________________
رجليا عترت في الحفر و الحجاير
___________________
بقيت أقول و انا ع التراب: يا سلام
___________________
مش بس عبره أخذت لكن عباير
__________________
عجبي !!!!!!!!!!!!






إنسان أيا إنسان ما أجهلك
________________
ما أتفهك في الكون و ما أضألك
___________________
شمس وقمر و سدوم و ملايين نجوم
_________________
و فاكرها يا موهوم مخلوقه لك
_______________
عجبي !!!!!!!!!!!!!!






شاف الطبيب جرحي وصف له الأمل
____________________
وعطاني منه مقام يا دوب ما اندمل
______________________
مجروح جديد يا طبيب و جرحي لهيب
____________________
ودواك فرغ مني .... و إيه العمل
__________________
عجبي !!!!!!!!!!!!




يا حزين يا قمقم تحت بحر الضياع
___________________
حزين أنا زيك و إيه مستطاع
_________________
الحزن ما بقالهوش جلال يا جدع
_____________________
الحزن زي البرد ... زي الصداع
___________________
عجبي !!!!!!!!!!!!!









الفيلسوف قاعد يفكر سيبوه
_________________
لا تعملوه سلطان و لا تصلبوه
__________________
ما تعرفوش إن الفلاسفه يا هوه
__________________
اللي يقولوه بيرجعوا يكدبوه
__________________
عجبي !!!!!!!!!!!!





إقلع غماك يا تور وارفض تلف
___________________
إكسر تروس الساقية و اشتم وتف
____________________
قال : بس خطوة كمان .. وخطوة كمان
_____________________
يا اوصل نهاية السكة يا البير تجف
____________________
عجبي !!!!!!!!!!!






إقلع غماك يا تور وارفض تلف
___________________
إكسر تروس الساقية و اشتم وتف
____________________
قال : بس خطوة كمان .. وخطوة كمان
_____________________
يا اوصل نهاية السكة يا البير تجف
____________________
عجبي !!!!!!!!!!!







في يوم صحيت شاعر براحة و صفا
___________________
الهم زال و الحزن راح و اختفي
___________________
خدني العجب و سألت روحي سؤال
__________________
أنا مت ؟ و لا وصلت للفلسفة
_________________
عجبي !!!!!!!!!!!!!!





إيش تطلبي يا نفس فوق كل ده
___________________
حظك بيضحك و انتي متنكده
__________________
ردت قالت لي النفس : قول للبشر
___________________
ما يبصوليش بعيون حزينة كده
__________________
عجبي !!!!!!!!!!!!!!!




أعرف عيون هي الجمال و الحسن
______________________
و اعرف عيون تاخد القلوب بالحضن
______________________
و عيون مخيفة و قاسية وعيون كتير
___________________
وباحس فيهم كلهم بالحزن
_______________
عجبي !!!!!!!







يا قرص شمس ما لهش قبة سما
____________________
يا ورد من غير أرض شب و نما
__________________
يا أي معني جميل سمعنا عليه
__________________
الخلق ليه عايشين حياه مؤلمة
________________
عجبي !!!!!!!!!!!!!!!!!





ينبوع و في الحواديت أنا سمعت عنه
______________________
إنه عجيب .. و ف وسط لهاليب لكنه
_____________________
شقيت كما الفرسان طريقي .. لقيت
_____________________
حتي الخنازير و الكلاب شربوا منه
___________________
عجبي !!!!!!!!!!!!!!!!



انا كل يوم أسمع ........ فلان عذبوه
____________________
أسرح في بغداد و الجزاير واتوه
___________________
ما أعجبش م اللي يطيق بجسمه العذاب
______________________
و اعجب من اللي يطيق يعذب أخوه
__________________
عجبي !!!!!!!!!



الرجوع الى أعلى الصفحة اذهب الى الأسفل
http://myshopaky.forumegypt.net
Admin
admin
admin
avatar

عدد المساهمات : 76
تاريخ التسجيل : 05/04/2011

مُساهمةموضوع: رد: رباعيات صلاح جاهين   الإثنين أبريل 18, 2011 9:11 pm

ياللي في حماه الشمس تلقي المــــلاذ
______________________
و ألف بكره و بكره .. في ضلوعه لاذ
_______________________
مين أنت ؟ مارد ؟ رب ؟ قال لأ ده بس
______________________
انا اللي باروي القمح و اسقي الفــولاذ
_____________________
عجبي !!!!!!!!!!!!!





غسل المسيح قدمك يا حافي القـدم
____________________
طوبي لمن كانوا عشانك خــــــــدم
_____________________
صنعت لك نعليك أنا يا أخــــــــــــي
____________________
مستني إيه .. ما تقوم تدوس العدم
__________________
عجبي !!!!!!!!!!!!!






غمض عينيك و ارقص بخفة و دلع
____________________
الدنيا هي الشابة و انت الــــــــجدع
____________________
تشوف رشاقة خطوتك تعبــــــــدك
____________________
لكن انت لو بصيت لرجليك ....تـقع
____________________
عجبي !!!!!!!!!!!!!!!!!




ولدي نصحتك لما صوتي اتنبــــــــــــح
_______________________
ما تخفش من جني و لا من شبـــــــــح
_______________________
و ان هب فيك عفريت قتيل إسألـــــــــه
_____________________
ما دافعش ليه عن نفسه يوم ما اندبح
_____________________
عجبي !!!!!!!!!!!!!






خوض معركتها زي جدك ما خــــاض
______________________
صالب و قالب شفتك بامتـــــــــــعاض
______________________
هي كده...ما تنولش منها الأمـــــــل
_____________________
غير بعض صد ورد ووجاع مخاض
____________________
عجبي !!!!!!!!!!!!





كام اشتغلت يا نيل في نحت الصخور
_____________________
مليون بئونه و الف مليون هاــــتور
____________________
يا نيل أنا ابن حلال و من خلفتــــــك
_____________________
و ليه صعيبه علي بس الأمــــــــور
____________________
عجبي !!!!!!!!!!!!!







الحلو يم اليم صابــــــــــح رايح
___________________
سارح في حضن الميه سابح سايح
____________________
الحلو داب في البحر , قلــــت أدوقه
____________________
وجدت لسه البحر برضك ماــــــلح
____________________
عجبي !!!!!!!!!!!!!!





علي رجلي دم .. نظرت له ما احتملت
_____________________
علي إيدي دم.. سألت ليه ؟ لم وصلت
_____________________
علي كتفي دم.. و حتي علي رأسي دم
____________________
أنا كلي دم .. قتلت ؟ ..... والا اتقتلت
____________________
عجبي !!!!!!!!!!!!!!





نوح راح لحاله و الطوفان استمر
___________________
مركبنا تايهه لسه مش لاقيه بر
_________________
آه م الطوفان وآهين يا بر الأمان
___________________
إزاي تبان و الدنيا غرقانه شر
________________
عجبي !!!!!!!!!!!!!







رقبه قزازة و قلبي فيها انحشر
___________________
شربت كاس و اتنين و خامس عشر
____________________
صاحبت ناس م الخمرة ترجع وحوش
______________________
و صاحبت ناس م الخمرة ترجع بشر
_____________________
عجبي !!!!!!!!!!!!!!!






الموج تلول تهبط وتطلع تلــــــــــــول
______________________
يا بحر خدني الشط صاحبك ملـــــــول
______________________
و الا بلاش الشط ح اعمل به أيـــــــه
_____________________
ده ريحته طحلب مهري و ام الخلــول
____________________
عجبي !!!!!!!!!!!!






ورا كل شباك ألف عين مفتوحين
___________________
و انا وانتي ماشيين يا غرامي الحزين
____________________
لو التصقنا نموت بضربة حجر
________________
و لو افترقنا نموت متحسرين
________________
عجبي !!!!!!!!!!!!!!!!




عجبتني كلمة من كلام الورق
________________
النور شرق من بين حروفها و برق
___________________
حبيت أشيلها ف قلبي .. قالت حرام
___________________
ده أنا كل قلب دخلت فيه اتحرق
_________________
عجبي !!!!!!!!!!!!!







البط شال عدي الجبال و البحــــــور
______________________
ياما نفسي اهج .. احج ويا الطــيور
_____________________
أوصيك يا ربي لما اموت .. و النبي
______________________
ما تودنيش الجنه .. للجنه ســـــــور
____________________
عجبى!!!!!!!!







انا الذي عشت الزمن مضيعـــــــــه
____________________
بروح حزينة معفنة مضعضعــــــه
____________________
زرعتشجرة سنط لجل انجــــــرح
____________________
لقتها شعر البنت و مفرعــــــــــــه
____________________
عجبي !!!!!!!!!!



الرجوع الى أعلى الصفحة اذهب الى الأسفل
http://myshopaky.forumegypt.net
 
رباعيات صلاح جاهين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ماى شوبكى :: المنتديات الادبيه :: منتــدي الشعــر والخـواطــر المنقولــه-
انتقل الى: